அமெரிக்காவிற்கும் ஈரானுக்கும் இடையிலான இராஜதந்திரப் பேச்சுவார்த்தைகளை அடுத்த கட்டத்திற்கு முன்னெடுக்கும் நோக்கில், கத்தாரின் உயர்மட்ட மத்தியஸ்தக் குழு மீண்டும் ஈரான் தலைநகர் டெஹ்ரானை சென்றடைந்துள்ளது.
ஈரானின் இஸ்னா (ISNA) செய்திச் சேவை வெளியிட்டுள்ள தகவலின்படி, கத்தார் பிரதமரும் வெளியுறவு அமைச்சருமான ஷேக் முகமது பின் அப்துல்ரஹ்மான் பின் ஜாசிம் அல் தானியின் பிரத்தியேக ஆலோசகர் தலைமையிலான குழுவே இந்தப் பயணத்தை மேற்கொண்டுள்ளது.
கடந்த வாரம் அமெரிக்கா மற்றும் ஈரான் தரப்புகளுக்கு இடையே நடைபெற்ற முக்கிய பேச்சுவார்த்தைகளைத் தொடர்ந்து, இரு நாடுகளுக்கும் இடையிலான தொடர்புகளை மேலும் வலுப்படுத்தும் முயற்சியாக இந்தப் புதிய சந்திப்பு அமைந்துள்ளதாகத் தெரிவிக்கப்படுகிறது.
பிராந்திய பதற்றங்களைக் குறைத்து, இராஜதந்திர வழிமுறைகள் மூலம் தீர்வுகளை எட்டுவதற்கான முயற்சிகளில் கத்தார் தொடர்ந்து மத்தியஸ்தப் பங்காற்றி வருவதும் குறிப்பிடத்தக்கது.
