கிட்டங்கி மற்றும் துரைவந்தியமேடு கிராமத்தில் பிரதேச செயலாளரின் தலைமையில் கள ஆய்வு – பிரதி அமைச்சர் மற்றும் நாடாளுமன்ற உறுப்பினர் உள்ளிட்ட குழுவினர் பங்கேற்பு

கிட்டங்கி மற்றும் துரைவந்தியமேடு கிராமத்தில் பிரதேச செயலாளரின் தலைமையில் கள ஆய்வு – பிரதி அமைச்சர் மற்றும் நாடாளுமன்ற உறுப்பினர் உள்ளிட்ட குழுவினர் பங்கேற்பு

நாட்டில் ஏற்பட்ட இயற்கை அனர்த்தம் காரணமாக பாரிய வெள்ளப்பாதிப்பு ஏற்பட்டிருந்தது. இதில் கல்முனை வடக்கு பிரதேச செயலக எல்லைக்குட்பட்ட கிட்டங்கி பாலத்தை ஊடறுத்து வெள்ளம் பாய்ந்நதால் போக்குவரத்து சில தினங்கள் தடைப்பட்டிருந்தது. அத்துடன் துரைவந்தியமேடு கிராமத்திற்கான தரைவழிப்போக்குவரத்து துண்டிக்கப்பட்டது.

இங்கு உள்ள மக்களின் இடர்கள் தொடர்பாகவும், கிட்டங்கி பாலத்தின் நிலைமை தொடர்பாகவும் கள ஆய்வு கல்முனை வடக்கு பிரதேச செயலாளர் ரி.ஜே.அதிசயராஜ் தலைமையில் பிரதியமைச்சர் வசந்த பியதிஸ்ஸ மற்றும் பாராளுமன்ற உறுப்பினர் ஆதம்பாவா ஆகியோரின் பங்குபற்றலுடன் இடம்பெற்றது.

தன்னார்வ படகு சேவை ஆரோக்கியநாதன் (கொலின்) வழங்கினார். பிரதியமைச்சரின் செயலாளர் ,பாராளுமன்ற உறுப்பினரின் செயலாளர், சேனைக்குடியிருப்பு -1A கிராம உத்தியோகத்தர் சுந்தர் ஆகியோர் கலந்து கொண்டனர்.