உதவும் பொற்கரங்கள் விசு கணபதிப்பிள்ளை அவர்களால் மாணவிக்கு துவிச்சக்கரவண்டி அன்பளிப்பு
பல்வேறு சமூகப்பணிகளை தொடர்ச்சியாக முன்னெடுத்துவரும் கனடாவில் வசிக்கும் உதவும் பொற்கரங்கள் அமைப்பின் ஸ்தாபகர் சமூக சேவகர் விசு கணபதிப்பிள்ளை அவர்களின் ஏற்பாட்டில் கனடாவில் வசிக்கும் நாகலிங்கம் புவி அவர்களின் நிதி உதவியில் தேவை உடைய நாவிதன்வெளி பிரதேச 06ம் கிராமத்தைச் சேர்ந்த பாடசாலை மாணவி ஒருவருக்கு அவரது கல்வி நடவடிக்கைகளுக்காக துவிச்சக்கர வண்டி மற்றும் மாதாந்த கொடுப்பனவும் வழங்கி வைக்கப்பட்டன.
நாவிதன்வெளி சொறிக்கல்முனை கொலிகுறோஸ் மகா வித்தியாலயத்தில் உயர்தரம் கலைப்பிரிவில் கல்விகற்கும் மாணவியான தங்கராசா சுகனிதா 06ம் கிராமத்திலிருந்து சுமார் மூன்றரை கிலோ மீட்டர் தூரத்தில் பாடசாலைக்கு நடையாகச் சென்று தனது உயர் கல்வியை தொடர்ந்து வந்த நிலையில் அவ்வாறு சென்று கல்வி கற்பதில் ஏற்பட்ட. இடையூறுகள் தொடர்பாக உதவும். பொற்கரங்கள் அமைப்பின் ஸ்தாபகருக்கு தெரியப்படுத்தியதும் இந்த உதவிகள் வழங்கி வைக்கப்பட்டன. 2026 ஜனவரி பெப்ரவரி மாதங்களுக்கான மாதாந்த கொடுப்பனவும் வழங்கி வைக்கப்பட்டன.
இந்நிகழ்வில். உதவும் பொற்கரங்கள் அமைப்பின் தாயக இணைப்பாளர் சௌவியதாசன் ,நாவிதன்வெளி பிரதேச சமூக சேவை உத்தியோகத்தர் குரூஸ் குணரத்தினம், அவர்களும் ஓய்வு பெற்ற உதவிக் கல்வி பணிப்பாளர் கண வரதராஜன் அவர்களும். கலந்து கொண்டு இவற்றை வழங்கி வைத்தனர்.
உதவியை வழங்கிய சமூக சேவையாளர் விசு கணபதிப்பிள்ளை அவர்களுக்கும் நாகலிங்கம் புவி அவர்களுக்கும் மாணவியும் குடும்பத்தாரும் நன்றி தெரிவித்தனர்
