பாரம்பரிய ஆன்லைன் திரைப்பட விழா; மறக்கப்பட்ட மனிதர்கள், மரபுகளின் ஆவணப்படங்கள் திரையிடல்……

இந்திய பாரம்பரிய திரைப்பட விழாவில், மறக்கபப்ட்ட மனிதர்கள் மற்றும் மரபுகளின் ஆவணப்படங்கள் திரையிடப்படுகின்றன.

இந்திய கலை மற்றும் கலாச்சாரம் தொடர்பான ஆன்லைன் தளமாக சஹாபீடியா(Sahapedia) இயங்கி வருகிறது. இது இந்தியாவின் பாரம்பரிய நடை திருவிழா என்ற பெயரில் பல்வேறு நகரங்களில் திரைப்படங்களை திரையிடுகிறது.

இதில் யெஸ் பாரம்பரியம்(YES Culture), யெஸ் உலகளாவிய நிறுவனம்(YES Global Institute) ஆகியவையும் இணைந்து நிகழ்ச்சிக்கு ஏற்பாடு செய்துள்ளன.

இந்த விழாவில் 25 படங்கள் திரையிடப்படுகின்றன. அவை புகழ்பெற்ற கலை மற்றும் கலாச்சார நிபுணர்கள் அடங்கிய குழுவினரால் தேர்வு செய்யப்படுபவை ஆகும்.

கடந்த ஒன்றாம் தேதி சத்யஜித்ரேவின் விருது பெற்ற ஆவணப்படமான 1961ல் வெளிவந்த ரபிந்திரநாத் தாகூர் திரையிடல் மூலம் விழா தொடங்கியது.

ஆன்லைனில் மட்டும் நடைபெறும் திரையிடல் திருவிழாவை www.youtube.com/user/sahapediaonline/featured என்ற இணைய முகவரியில் பிப்ரவரி மாதத்தின் ஒவ்வொரு நாள் காலை 10 மணி முதல் காணலாம்.

கேயா வஸ்வனி மற்றும் நிதி காமத்தின் “Weavers of Maheswar” (2016) என்ற ஆவணப்படம் கைத்தறி தொழில் குறித்தது ஆகும்.

மனோஜ் பண்டாரே மற்றும் ராஜூ ஹிட்டாலமனியின் “The Sarangi- Story of a Museum” (2015) என்ற ஆவணப்படம் காத்மாண்டுவின் இசை மற்றும் இசைக்கருவிகளின் அருங்காட்சியகம் தொடர்பானது.

சோம்நாத் வாகமரேவின் “The Battle of Bhima Koregaon” (2017) என்ற ஆவணப்படம் மகாராஷ்டிராவில் பேஷ்வா விதிமுறைகளை முறியடித்த மஹர் வீரர்கள் குறித்தது.

இதுதொடர்பாக மேலும் தகவல்கள் தெரிந்து கொள்ள www.indiaheritagewalkfestival.com என்ற இணையதளத்தில் பதிவு செய்து காணலாம்.