சியோல்: அமெரிக்க அதிபர் டிரம்ப் ஸ்டேட் ஒவ் யூனியன் ஆற்றிய உரைக்கு வடகொரியா கண்டனம் தெரிவித்துள்ளது…

அமெரிக்க அதிபர் டிரம்ப் ஸ்டேட் ஒவ் யூனியன் ஆற்றிய உரைக்கு வடகொரியா கண்டனம் தெரிவித்துள்ளது.

அமெரிக்க நாடாளுமன்றத்தின் செனட் சபை மற்றும் பிரதிநிதிகள் சபை ஆகியவற்றின் கூட்டுக் கூட்டத்தில் அதிபர் டிரம்ப் உரையாற்றினார்.

அதில் தனது நிர்வாகம் ‘வலிய, பாதுகாப்பான, பெருமைமிகு அமெரிக்காவை உருவாக்கி வருகிறது,’ என்று குறிப்பிட்டார்.

‘அமெரிக்கா குறித்த கனவை வாழ்வதற்கான நேரம் வந்துவிட்டது’ என்றும் தெரிவித்தார். அடிக்கடி அணு ஆயுத சோதனை மேற்கொள்ளும் வடகொரியாவை ’ஒழுக்கம் கெட்ட நாடு’ என்று விமர்சனம் செய்தார்==

அந்நாடு தொடர்ச்சியாக அணு ஆயுத சோதனை செய்வது, அமெரிக்காவின் உள்நாட்டு பாதுகாப்புக்கு அச்சுறுத்தலாக அமையும் என்று குற்றம்சாட்டினார்.

இதுகுறித்து செய்தியாளர்களிடம் பேசிய வடகொரிய அமைச்சக செய்தித் தொடர்பாளர், அதிபர் டிரம்ப் தற்பெருமை அடித்துக் கொள்வதாக கூறினார்.

வடகொரியாவை நோக்கி விரோத மனப்பான்மையை டிரம்ப் வெளிப்படுத்துவதாக குற்றம்சாட்டினார். அணு ஆயுதங்கள் மூலம் தங்களை பாதுகாத்துக் கொண்டு, பிறநாடுகளை மிரட்டுவதாக தெரிவித்துள்ளார்.