வங்கதேச முகாம்களில் குழந்தைப் பிறப்பைக் கட்டுப்படுத்த எடுத்து முயற்சிகள் தோல்வியடைந்துள்ள நிலையில், விரும்பி கருத்தடைசெய்துக் கொள்ளும் திட்டத்தை அறிமுகப்படுத்தி வங்கதேச அரசு எண்ணியுள்ளது.

மியான்மர் ராணுவத்தின் முற்றுகையிலிருந்தும ரக்ஹைன் பகுதியில் அரங்கேறும் வன்முறை சம்பவங்களிலிருந்தும் தங்களது உயிரைக் காப்பாற்றிக்கொள்ள இதுவரை ஆறு லட்சத்திற்கும் மேற்பட்ட ரோஹிங்கியா முஸ்லீம்கள் வங்கதேசத்தில் தஞ்சமடைந்துள்ளனர். ரோஹிங்கியா மக்களின் இவ்வருகை ஏற்கனவே மூன்று லட்சத்திற்கும் அதிகமான ரோஹிங்கியா அகதிகளை கொண்டுள்ளவங்கதேசத்தில் பல விதமான நெருக்கடிகளை ஏற்படுத்தியுள்ளது. அத்துடன் ரோஹிங்கியா அகதிகளுக்கு உணவு, தண்ணீர், உறைவிடம், மருத்துவம் போன்ற அடிப்படைத் தேவைகள் கிடைப்பதிலேயே கடுமையான நெருக்கடி உண்டாகியுள்ளது.

மியான்மரின் மக்கள் தொகைக் கணக்கெடுப்பில் ரோஹிங்கியா மக்கள் தவிர்க்கப்படுவதால், அவர்களின் குழந்தை பிறப்பு சதவீதம் குறித்து எவ்வித அதிகாரப்பூர்வ தகவல்களும் இல்லை. அதே சமயம் முகாம்களில் உள்ள பல ரோஹிங்கியா அகதிகளுக்கு சராசரியாக மூன்று முதல் பத்துக் குழந்தைகள் உள்ளதாக கூறப்படுகின்றது. இந்த குழந்தைகள் மேலும் அதிகரிக்கும் பட்சத்தில் கடுமையான நெருக்கடிக்கான ஆபத்துள்ளதாக மருத்துவர்கள் குறிப்பிடுகின்றனர்.

குடும்பக் கட்டுப்பாடு சேவையை நிர்வகிக்கும் மருத்துவர் பிண்டு கண்டி பட்டசார்ஜி குறிப்பிடும் பொழுது,“ ரோஹிங்கியாக்களுக்கு இடையே கருத்தடை மிக மிகக்குறைவான விழிப்புணர்வே உள்ளது. சிலர் 19 குழந்தைகள் பெற்றுள்ளனர், பலர் ரோஹிங்கியா ஆண்களுக்கு ஒரு மனைவிக்கு மேல் வைத்துள்ளனர்” என்கிறார்.

இக்கட்டுப்பாடு நடவடிக்கையில் பணியாற்றும் பர்ஹானா சுல்தானா, “நான் முகாம்களில் உள்ள பல ரோஹிங்கியா பெண்களிடம் பேசி இருக்கிறேன். ஆனால் அவர்களில் பலர் கருத்தடை என்பது பெரும் பாவமாகவே கருதுகிறார்கள்.”

முகாம்களில் பணியாற்றுக்கூடிய மனித உரிமை செயற்பாட்டாளர்கள், “பல பெண்கள் கற்பம் தரிப்பதை அவர்கள் வாழ்ந்த பகுதியில் நடக்கும் கற்பழிப்புகள் மற்றும் ராணுவ வன்முறைகளிலிருந்து தற்காத்துக் கொள்ளும் நடவடிக்கையாக கருதுகிறார்கள்.” ரோஹிங்கியா பெண்கள் மீது மியான்மர் ராணுவம் பாலியல் ரீதியான வன்முறைகளைத் தொடர்ந்து நிகழ்த்துவதாக ஐ.நா. உள்ளிட்ட பல்வேறு சர்வதேச அமைப்புகள் குற்றம்சாட்டியுள்ளமை இங்கு குறிப்பிடத்தக்கது.

Leave a Reply

Your email address will not be published.